Վաճառքի հոգեբանություն. Հաճախորդի վրա ազդելու 7 գաղտնիքները

Յուրաքանչյուր մարդ վաճառող է․ մենք բառացիորեն ամեն օր վաճառում ենք մեր հմտությունները, ունակությունները, փորձը, գաղափարները: Եվ այդտեղ ամենակարևորն հանդիսանում է ինքնության ներկայացնումը, այլ մարդկանց հետ փոխըմբռնման և փոխհամաձայնության գալու կարողությունը, համոզիչ լինելու ունակությունը: Եվ հարկ է նշել, որ շրջապատի վրա կարող է ազդել միայն վառ անձնավորությունը, ով հմտորեն կարողանում է օգտագործել և վերբալ, և ոչ վերբալ լեզուները, իսկ ավելի պարզ ասած՝ տեղյակ է վաճառքի հոգեբանության առանձնահատկությունների մասին: Չնայած այն հանգամանքին, որ հետագայում մենք կխոսենք մենեջերի և հաճախորդի մասին, առաջարկվող տեղեկատվությունը կիրառելի է ցանկացած գործունեության ոլորտի համար:

Վստահությունը ցանկացած հարաբերությունների հիմքն է։

Այլ անձի հետ վստահելի հարաբերություններ հաստատելը շատ կարևոր է: Բայց դա էլ դժվար է իրականացնել: Եվ այստեղ հիմնական դերը խաղում են ոչ թե փաստարկները, այլ գնորդին ճիշտ մոտեցում ցուցաբերելը:

Օգտագործելով միայն գիտակցությունը, գրեթե անհնար է գտնել հաճախորդի վրա ազդելու «բանալին» : Բայց եթե հասկանում ես նրա իրական կարիքները և ցանկությունները, գործը հեշտանում է: Իմանալով, թե ինչ է հաճախորդը սիրում և ինչը նրան չի հետաքրքրում, դուք կարող եք ձեր խոսքերն ավելի համոզիչ դարձնել: Դուք պետք է վերաբերվեք հաճախորդին այնպես, կարծես պատրաստ եք ամեն բան անել նրա համար: Այդ ժամանակ նա կսկսի վստահել և լսել ձեզ:

Երբ ինչ-որ մեկին առաջարկում եք գործարք, առաջին հերթին փորձեք ստեղծել վստահելի մթնոլորտ: Դուք կարող եք, օրինակ, առաջարկել թեյ կամ սուրճ, բայց միայն նախապես նշելով, թե ինչ է նախընտրում այդ անձը: Թվում է, թե սովորական է, բայց անկեղծ ուշադրություն ցուցաբերելով, դուք ցույց եք տալիս հաճախորդին, որ դուք հաշվի եք առնում նրա ցանկությունները: Այդպես ձեզ հետ նա իրեն կզգա հարմարավետ, և հետևաբար, պատրաստ կլինի լսել այն ամենը, ինչ դուք կասեք:

Բացահայտ հետաքրքրվեք նրա հետ կապված ամեն ինչի մասին, ինչը կարող է օգտակար լինել ձեր աշխատանքի համար․ հարցեր ուղղեք նրա գործունեության, հոբբիների, սովորությունների մասին: Ուշադիր եղեք նրա ցանկություններին: Ընդհանուր առմամբ, փորձեք ավելի շատ ժամանակ հատկացնել նրանց, ում հետ շփվում եք, այլ ոչ թե ձեր անձին կամ արտադրանքին:

Որպեսզի հասկանաք, որ դուք ճիշտ ուղու վրա եք, պարզապես հարցրեք ինքներդ ձեզ՝ արդյոք հաճախորդը իրեն հարմար է զգում ձեզ հետ, ինչու է նրան դուր գալիս ձեզ հետ լինելը, արդյոք նա ցանկանում է պահպանել հետագա հարաբերությունները, գիտեք արդյոք, թե ինչ է հաճախորդն իսկապես ցանկանում: Եթե այս հարցերի պատասխանները դրական են, գործի կեսն արդեն արված է, և շատ քիչ բան է մնացել գործարքը կնքելուն:

Համակողմանի ընկալում։

Հանդիպումների եւ շնորհանդեսի ժամանակ շատերը կենտրոնանում են միայն իրենց առաջարկը վաճառելու վրա: Այդ գաղափարը գրավում է նրանց այնքան, որ նրանք ամբողջովին չեն նկատում, թե ինչ է տեղի ունենում, ինչ իրավիճակ է, ինչպես է իրեն զգում հաճախորդը և այլն:

Սակայն ուշադիր մենեջերը, ով ձգտում է հաստատել երկարատև շփում և հոգ տանել հաճախորդի բավարարված լինելու մասին, չպետք է կորցնի նման «մանրուքները»: Ազատ թեմաներով սովորական զրույցը կարող է ավելի օգտակար լինել, քան գործարքի կնքման տասնյակ եռանդուն փորձերը: Սերտեք մի կանոն՝ հաճախորդը միշտ առաջին տեղում է, և որն ամենակարևորն է՝ նրա բարեկեցությունը:

Մտածեք նաև այն մասին, որ պրոֆեսիոնալ և հաջող վաճառքի մենեջերները երբեք տպավորություն չեն ստեղծում, ոնց որ թե նրանց շտապ անհրաժեշտ է ինչ-որ տեղ վազել և շատ կարևոր բաներով զբաղվել (նույնիսկ եթե դա իրականում այդպես է): Հենց նման մասնագետներն են տարբերվում, որոնք պատրաստ են իրենց ամբողջ ժամանակը տրամադրել հաճախորդին, նկատել իրավիճակի փոքր փոփոխությունները և իրենց գործողությունները կառուցել այնպես, որ յուրաքանչյուրը, ով գտնվում է մոտակայքում հայտնվի ուշադրության կենտրոնում:

Մարդկանց գիտելիքները։

Որքան լավ հասկանաք մարդկային բնույթը, այնքան ավելի ճշգրիտ կլինի ձեր գնահատականը զրուցակցին և այդքան արդյունավետ կլինի դրա օգտագործումը: Իհարկե, ավելի հեշտ կլիներ, եթե բոլոր մարդիկ պարզապես բաժանվեին մի քանի կատեգորիաների, բայց պիտակները չեն համապատասխանում տվյալ դեպքին, քանի որ բոլորը եզակի են և ունեն միայն իրենց բնորոշ հատկանիշները:

Այնուամենայնիվ, հոգեբանները ապացուցել են, որ յուրաքանչյուր ոք, ում հետ հաղորդակցվում ենք, ցույց են տալիս այն հատկությունները, որոնք մենք նրանց վերագրում ենք: Դրանից ելնելով `անհրաժեշտ է տրամադրվել այնպես, որ մարդիկ դրական են, համակողմանի, բարյացակամ, անկեղծ: Հավատացեք, այս կանոնը աշխատում է, և դուք ինքներդ կհամոզվեք: Հիշեք, թե որքան հաճախ է պատահել այն, ինչին հավատում էիք կամ վախենում: Շփման մեջ նույն կերպ փորձեք դրական հույզեր արտադրել և լավատես լինել:

Բայց չպետք է մոռանալ այնպիսի բաների մասին, ինչպիսիք են՝ խառնվածքը, բնավորությունը, համոզմունքները: Ակտիվ և ուժեղ մարդիկ պահանջում են հաղորդակցման մեկ ձև, դանդաղ և մռայլները՝ մեկ այլ, նրանց ովքեր ժամանակի հետ են քայլում՝ կարող եք բացահայտորեն ձեր գաղափարները ներկայացնել, իսկ պահպանողականների նկատմամբ պետք է օգտագործել այլ, ավելի զգույշ մոտեցում:

Հաճախորդի անձնական հատկանիշների շեշտադրումը սկզբում ստեղծում է հաղորդակցության բարենպաստ միջավայր: Առանձնացրեք մի խնդիր ձեզ համար՝ ամեն օր մի փոքր փորձեք իմանալ մարդկային բնույթի մասին, և ինչքան շատ ուսումնասիրեք այն, այնքան ավելի հեշտ կլինի հաղորդակցվելու ժամանակ:

Համոզելը արդյունավետ է, իսկ բանակցությունները՝ ոչ։

Հաճախ համոզելը շատ ժամանակ է պահանջում, բայց համբերությունը տալիս է իր պտուղները: Եթե մենեջերը կարողանա համոզել ինչ-որ մեկին փաստարկներով, նա կարող է համարել, որ լիակատար հաղթանակ է գրանցել, քանի որ ստացվում է, որ մարդը վստահել է իրեն և տեղափոխվել իր կողմ:

Լինում է նաև, որ գնորդին կարողանում են համոզել և գրեթե ստիպում են գործարք կնքել։ Սակայն գործնականում դրանք միանգամյա դեպքեր են, որոնք չունեն արժեք: Հաշվի առեք, որ հաճախորդը, ում համոզում են կրկին կվերադառնա, իսկ ում ստիպում են, նրան հավիտյան կորցնում են: Սովորեք համոզել, ժամանակ հատկացրեք այս հմտությունը զարգացնելու համար: Եվ, ընդհակառակը, երբեք մի համոզեք և մի ճնշեք, եթե հաճախորդը չի համաձայնվում, և ավելին ասած՝ մի ստեք հանուն վաճառքի:

Ի դեպ, օգտվեք նման խորամանկությունից՝ լսեք ուշադիր հաճախորդին և ձեզ դրեք նրա տեղը, հասկանալու համար, թե ինչ է նա ուզում և ինչպես է նա մտածում: Որքան ավելի շատ հաճախորդը կխոսի, այնքան ավելի լավ ձեզ համար, քանի որ համոզմունքի համար դուք կարող եք կիրառել իր օգտագործած խոսքը և փաստարկները: Հիշեք, որ համոզելու արվեստը նաև լսելու արվեստն է:

Հոգատարություն հաճախորդի նկատմամբ։

Մարդկային փոխհարաբերությունները նման են ծաղիկի, որը պահանջում է խնամք ու սեր։ Եթե դուք ջրեք այգու ծաղիկները միայն ծաղկման ընթացքում, ապա կարող եք վստահ լինել, որ նրանք կգոհացնեն ձեզ երկար ժամանակ։ Նմանապես, եթե դուք դուրս եք գալիս կապի հաճախորդի հետ միայն այն ժամանակ, երբ ցանկանում եք վաճառել ինչ-որ բան, նա ակնթարթորեն կֆիքսի իր համար, որ դուք պարզապես լրացուցիչ գումար վաստակելու հնարավորություն եք:

Այստեղից հետևություն՝ որ պետք է ջրել ծաղիկները պարբերաբար, որպեսզի նրանք չթոռոմեն և չչորանան, այդպես էլ մենեջերը իր հաճախորդներին պետք է զանգահարի նույնիսկ առանց պատճառի: Շնորհավոր եք ծննդյան կամ Նոր տարվա առթիվ, կիսվեք մի հետաքրքիր պատմությամբ, հարցրեք թե ինչ նորություններ ունեն կյանքում կամ աշխատանքում:
Հոգատարության ցուցաբերումը, ընդ որում, եթե այն ի սրտե է և անկեղծ, հանդիսանում է հիանալի է ոչ վերբալ ազդանշան այն մասին, որ տվյալ մարդը զբաղեցնում է ձեր կյանքում ինչ-որ մի տեղ։ Եվ եթե դուք անտարբեր չեք նրա հանդեպ, եթե մտածում եք նրա մասին, եթե գործերի տեղատարափի մեջ գտնում եք ժամանակ նրան զանգահարելու համար, ապա ամենը փոխադարձ կլինի և հաճախորդների բազան կլինի ավելի նման ընկերների ցուցակի, կամ առնվազն՝ լավ ծանոթների:

Անձի գրավչությունը։

Հաճախորդների վրա ազդել կարելի է ոչ միայն բառերով: Մենեջերը, ումից դրական էներգիա, ոգևորություն և հմայք են ստացվում, գործում է որպես մագնիս: Կապի ոչ վերբալ բաղադրիչը ազդում է թաքնված մակարդակի վրա: Խոսքի տեմպը, ձայնի տեմբռը, ինտոնացիան, ժեստերը, դեմքի արտահայտությունը և նույնիսկ հագուստը, այս ամենը ազդում է ուրիշների ենթագիտակցության վրա:

Մարդիկ, առանց գիտակցելու, զգայուն են մենեջերի անձի նկատմամբ, և դա ևս մեկ անգամ հաստատում է այն փաստը, որ կարիք ունենք անընդհատ կատարելագործվելու: Այնուամենայնիվ, միայն մի քանիսն են, որ իսկապես աշխատում են իրենց վրա և մտածում են, թե ինչ տպավորություն են թողնում: Միևնույն ժամանակ, մենեջերի ստեղծած տպավորությունը հաջողության կարևորագույն գործոններից է: Միայն երբ գիտեք, թե ինչպես են մյուսները ընկալում ձեզ, կարող եք զարգացնել ձեր արժանապատվությունը և ազատվել թերություններից:

Ձգտեք դառնալ ավելի հմայիչ ու գրավիչ, ինչպես անձնական, այնպես էլ պրոֆեսիոնալ ոլորտում:

Բիզնես զրույց անցկացնելու ունակություն։

Այս հմտության հոգեբանական ազդեցությունը չի կարելի թերագնահատել: Բիզնես զրույցը բաղկացած է երեք փուլերից, որոնք կարելի է համեմատել բույսերի աճման փուլերի հետ՝ մենեջերը “սերմերը ցանելով” ստեղծում է վստհելի հարաբերությունները, նպաստելով նրանց աճին նա աշխատում է առարկությունների և համոզմունքների հետ, հավաքելով բերքը՝ կնքում է գործարքը:
Բոլորն էլ գիտեն, որ քանի դեռ պտուղը չի հասունացել, անիմաստ է կտրել կամ քաղել այն: Այդպես էլ անիմաստ է ստիպել հաճախորդին բանակցությունների նախնական փուլում համաձայնել առաջարկության հետ և գնել ապրանքը կամ ծառայությունը: Հաճախորդը ինքը հենց պտուղն է, որը պետք է հասունանա, և մենեջերի խնդիրն է՝ զգուշորեն “աճեցնել” նրան:
Որպեսզի ձևավորվի վստահելի մթնոլորտ, անհրաժեշտ է ժամանակ ծախսել։ Եվ գրագետ մենեջերը, իմանալով այդ փաստը, ամեն կերպ նպաստում է դրան՝ զրույցը ճիշտ ուղղությամբ տանելով, կարծես հիպնոսացնում է հանգիստ ձայնով, ուշադրությամբ, համոզիչ արտահայտություններով և հիմնավորված փաստարկներով։ Իմացությունը, թե ինչպես պետք է ճիշտ կառուցել գործարար հարաբերություն, առանց շտապողականության և իրարանցումի, միշտ հանգեցնում է մեկ արդյունքի՝ վաճառքի, գործարքի կնքման կամ պայմանագրի ստորագրման:

Վաճառքի հոգեբանությունը նուրբ արվեստ է, որի տիրապետման կատարելության հասնելը հնարավոր է միայն գործնականում այն կիրառելով, այդ գործընթացում փորձի կուտակելով: Հետևաբար, մի մարդ, ով որոշել է հասնել զգալի հաջողությունների վաճառքի ոլորտում, պետք է պատրաստ լինի ինքն իր վրա քրտնաջան և մշտական աշխատանքի:

Հաղորդակցման հմտությունների բարելավման իմպրովիզացիոն վարժանքներ

Երբ մենք շփվում ենք մարդկանց հետ, մենք ընտրում ենք երկու վարքերից մեկը` նախապես հորինված սցենարը կամ իմպրովիզացիան: Երկու մեթոդներն էլ լավն են, և եթե դրանք տիրապետեք կատարյալ ձևով, ապա կունենաք շատ առավելություններ: Պատկերացրեք ինքներդ ձեզ հարցազրույցի ընթացքում․ նախօրոք կարող եք պատրաստվել դրան և կեսը փայլուն հաղթահարել, բայց ներկա գործատուները հեռանում են “հայտնի” հարցերից և գնահատում են նաև մարդու ստեղծագործական, ոչ ստանդարտ լուծումներ գտնելու ունակությունը: Ուստի կարևոր են նաև իմպրովիզացիոն հմտությունները:

Ինչ պետք է անի մարդը, որպեսզի բարելավի իմպրովիզացիայի հմտությունները: Նա կարող է պարապել կամ անհատական, կամ մարտական պայմաններում: Այսպես՝ մենք ձեզ ենք ներկայացնում որոշ “զորավարժություններ” վերապատրաստման համար:

Եվ այդ վարժությունները օգնում են՝

• Բարձրացնել գործող դերասանական հմտությունները,
• Բարելավել հաղորդակցման հմտությունները,
• Բարելավել մտավոր և ստեղծագործական ունակությունները։

 

Վարժություն 1` մեկ բառ:

Վարժությունը կատարելու համար պահանջվում է 2-3 մարդ, և ավելի: Միակ կանոնն այն է, որ յուրաքանչյուր մարդ պետք է ավելացնի մեկ բառ, այդպես նախադասություն պետք է ձևավորվի, և հետո պատմություն:

Օրինակ՝

A: Անին

B: Աշխատում է

A: Կրկեսում

B: Որպես

A: Վամպիրների

B: Մարզիչ։

Այս իմպրովիզացիայի մեջ ամենանշանավոր բանն այն է, որ յուրաքանչյուր անձ իր յուրահատուկ դերակատարումն ունի: Ընդ որում, նա պատմությունը շարունակում է իր ցանկալի ձևով, և դա զվարճացնում է յուրաքանչյուր մասնակցին: B մասնակիցը շեղում է պատմության միտքը և դրանից հետո մյուս երկու մասնակիցները պետք է շարժեն իրենց ուղեղները, որպեսզի հետաքրքիր ավարտեն այդ պատմությունը, որտեղ վամպիրներն են հանդես գալիս կրկեսում:

Այս վարժությունը պարզ մոդիֆիկացիա ունի․ դուք ոչ թե մեկ բառ եք ասում, այլ ամբողջ նախադասություն:

Վարժություն 2` հայելային մարմինը։

Այս վարժության համար անհրաժեշտ է 2 մարդ՝ լիդերը և հետևորդը:

Լիդերը ընդունում է որևէ զվարճալի դիրք՝ փոխելով դեմքի միմիկան կամ կատարելով որոշակի շարժում: Հետևորդը նույն ձև պատճենում է այն, ինչ լիդերը անում է (ինչպես մեր կյանքում): Հինգ դիրքից հետո փոխվում են տեղերով:

Այս վարժության նպատակն է զարգացնել ոչ վերբալ հմտությունները: Շփումը ոչ միայն խոսքերն են, այլև մարդկանց շարժումների, ժեստերի, դեմքի արտահայտությունն է:

Բացի այդ, արտացոլումը էմպաթիայի ձևերից մեկն է, որը կարող ենք համարել նաև վարժության առավելություններից մեկը: Երբ մենք կրկնում ենք (գիտակցաբար կամ ոչ) մարդուն, ապա անկախ մեր կամքից ներթափանցում ենք նրա մեջ և ավելի լավ ենք հասկանում:

Եթե այս պահին դուք մենակ եք սենյակում, ապա միացրեք ինչ-որ հաղորդում կամ ֆիլմ, և սկսեք կրկնել այնտեղ գործող կերպարների շարժումները, նախապես ձայնը անջատելով:

Վարժություն 3` էմոցիոնալ ռուլետկա։

Վարժությունը պահանջում է երկու մարդ և մեկ ներկայացնող: Սակայն որքան շատ մարդիկ լինեն, այնքան լավ: Բոլորը բաժանվում են զույգերի:

Առաջին քայլը. զույգերը սկսում են շփվել միմյանց հետ ցանկացած թեմայի շուրջ: 1-2 րոպե հետո Հաղորդավարը որևիցե զգացմունք է ասում, և մասնակիցները պետք է շարունակեն իրենց երկխոսությունը, ձևացնելով թե նրանք դա զգում են: Կամ կարելի է զգացմունքները գրել փոքր թերթիկների վրա և պատահականորեն քաշել։ Օրինակ՝

Անհանգստություն,

Զայրույթ,

Անակնկալ,

Շոկ,

Կիրք,

Խայտառակություն։

Իրական աշխարհում զգացմունքները կարող են մեզ շատ “հեռուն տանել”: Հետևաբար, խաղի ընթացքում դրանց հետևելը և կողքից դիտելը շատ օգտակար է: Բացի այդ, լավ զրուցակիցը պետք է ունենա բոլոր հնարավոր զգացմունքների լիարժեք սպեկտր:

Վարժություն 4`վերջին բառին պատասխան։

Անհրաժեշտ է երկու մասնակից և ավելի: Միակ կանոնն այն է, որ հաջորդ մասնակիցի նախադասությունը պետք է սկսվի նախորդ նախադասության վերջին բառով: Օրինակ՝

• Ես գնում եմ հաճախ սրճարան:
• Սրճարանում ես միշտ պատվիրում եմ պիցցա:
• Պիցցան իտալական ուտեստ է՞, թե ռուս երգիչ:

Վարժությունը պարզապես ստիպում է մեզ լսել զրուցակցին, նույնիսկ եթե պետք է միայն ուշադրություն դարձնել վերջին բառին:

Բացի այդ, մենք, հաճախ, այնքան ենք ուզում ինչ-որ կարևոր բան ասել, որ հազիվ ենք լսում զրուցակցին, և հետո արդարանում ենք. «Այո, այո, ես ուզում էի քեզ ասել, դա, որ …»: Իսկ այժմ դուք պետք է ուշադրություն դարձնեք և լսեք:

Վարժություն 3` “բլբլանք”։

Վարժությունը չորս հոգու համար է: Երկուսը շփվում են միմյանց հետ, օգտագործելով “բլբլանք”, մյուս երկուսը «թարգմանում են» դրանք:

Դուք կարող եք օգտագործել այլմոլորակային, տարօրինակ հնչյուններ կամ պարզապես հորինել սեփական լեզու: Իսկ թարգմանիչները թող մտածեն, թե ինչ եք ուզում ասել:

Թարգմանիչները մեծ հնարավորություն են ստանում դեմքի արտահայտության և մարմնի դիրքի միջոցով հասկանալու մարդկանց: Եթե ցանկանում եք սովորել, թե ինչպես շփվել ուրիշների հետ և դա անել վարպետորեն, ապա դուք պարտավոր եք սովորել, թե ինչպես կարդալ ոչ վերբալ նշանները:

Մաղթում ենք Ձեզ հաջողություն:

5S Ճապոնական համակարգը

 

Թայմ-մենեջմենթ (ժամանակի կառավարում)  հասկացության մասին խոսելով, մարդիկ հաճախ ի նկատի ունեն այն մեթոդների և մեխանիզմների ամբողջությունը, որոնք կապված են Արևմուտքից եկած անձնական և գործնական կազմակերպման հետ։ Եվ դա միանշանակ հասկանալի է, քանի որ այնտեղ է ծագել գիտելիքների տեսական և պրակտիկ բազան, որը օգնում է էֆֆեկտիվ կառավարել սեփական ժամանակը։

Եվ մասնագետներից շատ քչերը գիտեն, որ Արևելքը նույնպես ունի, ոչ պակաս հաջողակ (և որոշ դեպքերում արևմտյանին էֆֆեկտիվությամբ գերազանցող) ժամանակի կառավարման մեթոդներ: Արևելքի ներքո իհարկե առաջինը ներկայանում է Ճապոնիան, որը հայտնի է իր բիզնես տեխնոլոգիաների յուրահատուկությամբ:

Այդպես՝ ի շնորհիվ ճապոնացիների, մենք գիտենք 5S համակարգի մասին:

Ինչ է՞ իրենից ներկայացնում 5S համակարգը։

Ճապոնական 5S համակարգը հստակ կառուցվածքային համակարգ է, որը թույլ է տալիս աշխատավայրում կամ գրասենյակում ստեղծել օպտիմալ աշխատանքային պայմաններ: Այսպիսով, ըստ համակարգի, իդեալական պայմանների հասնելու ճանապարհներն են` աշխատանքային սեղանի վրա կարգի ստեղծումը, մաքրությանն հետևումը, ճշգրտության պահպանումը, ժամանակի և էներգիայի խնայողության միջոցների մշակումը:

Այլ կերպ ասած, 5S համակարգը նպատակաուղղված է արտադրության մեջ երբեմն ստեղծվող քաոսի կարգավորմանը, որը հանդիսանում է բազմակի մարդկանց կոլեկտիվ աշխատանքային գործընթաց:

5S համակարգի մեթոդաբանության բաղադրիչները

5S մեթոդաբանությունը հիմնված է աշխատանքի կառուցման 5 հիմնական սկզբունքների վրա, կամ ինչպես ճապոնացիներն են դրանք անվանում` 5 քայլերի: Եկեք հակիրճ դիտարկենք դրանք :

⇒Առաջին քայլը «Սեիրին» է, ճապոներենից թարգմանած նշանակում է դասակարգում, ավելորդի հեռացում:

Գործնական առումով, 5S համակարգի այս կետը ենթադրում է, որ  շրջակա բոլոր իրերը բաժանվում են երկու խմբի `անհրաժեշտ և ոչ անհրաժեշտ:

Հիմնականում մարդիկ դասակարգում են իրերը երեք տեսակի.

• Ոչ պետքական իրեր — դրանք ենթակա են օտարման։
• Պոտենցիալ անհրաժեշտ իրեր — դրանք կարող են օգտագործվել ժամանակ առ ժամանակ (պահվում են առանձին պահեստային տարածքում) :
• Անհրաժեշտ իրեր — ամենօրյա աշխատանքում անհրաժեշտ իրերն են (արտադրության մեջ անփոխարինելի են) :

Ենթադրվում է, որ այս քայլը բարձրացնում է աշխատանքի մշակույթի և անվտանգության մակարդակը:

⇒Երկրորդ քայլը «Սեյտոնն» է, որը կարելի է թարգմանել որպես «կոկիկ, պատշաճ կարգի պահպանում» :

Այս քայլը նպատակ ունի կարգավորել այն իրերը, որոնք անհրաժեշտ են ամենօրյա գործունեության համար: Իրերը տեղադրվում են այնպիսի վայրերում, որտեղից հնարավոր է հեշտությամբ վերցնել դրանք ճիշտ և անհրաժեշտ պահին: Արագ որոնման համար խորհուրդ է տրվում բոլոր իրերը պիտակավորել:

⇒Երրորդ քայլը՝ «Սեիսո», թարգմանվում է որպես «մաքրության պահպանում»:

Այս քայլը նպատակաուղղված է արտադրության մեջ մաքրության ստեղծմանը: Աշխատավայրը պետք է տեսողականորեն բաժանվի մի քանի ֆունկցիոնալ տարածքների, որոնց սահմաններում պետք է տեղակայված լինեն համապատասխան իրերը: Բոլոր սարքերի պահպանումը մաքուր վիճակում, դրանց պարբերաբար ստուգումը թույլ կտա խուսափել խափանումներից և անաշխատունակությունից, որոնք կարող են խանգարել արդյունավետ աշխատանքին:

⇒Չորորդ քայլը «Սեիկեցուն» է, որը բառացիորեն թարգմանվում է որպես «ստանդարտացում»:

Այս փուլում վերլուծվում են առաջին երեք քայլերի իրականացման արդյունքները, որոնք գրանցվում են հատուկ նոթատետրում (կամ արձանագրվում են էլեկտրոնային եղանակով): Առավել արդյունավետ լուծումները ամրագրվում են աշխատանքների ստանդարտացման և ավտոմատացման մեջ:

⇒Հինգերորդ քայլ՝ «Սիցուկե», այս հասկացությունը նշանակում է «բարելավում, կարգապահության ձևավորում»:

Վերջնական քայլն է, որն ուղղված է 5S համակարգի ընկալմանը որպես փիլիսոփայություն: Նախորդ քայլերի իրականացման ընթացքում ստեղծված արտադրական համակարգը թույլ է տալիս զգալիորեն բարելավել ամբողջ աշխատանքի արդյունավետությունը, որը, վերջին հաշվով, հանդիսանում է ժամանակի կառավարման հիմնական նպատակը:

Դիտարկումներ և քոմմենթներ

Եթե դուք արդեն օգտվել եք ճապոնական 5S համակարգի  մեթոդից, լսել եք դրա մասին ձեր ընկերներից կամ գործընկերներից, կարող եք թողնել քոմմենթ՝ հակիրճ ներկայացնելով ստացված արդյունքները: